ក្រសួងអប់រំ យុវជន និងកីឡា កំពុងសហការជាមួយអាជ្ញាធរមានសមត្ថកិច្ចកិច្ច ដើម្បីស្វែងរកចាប់ជនដែលបានបង្ហោះព័ត៌មានថា មានទទួលធ្វើត្របាក់ឌុប និងបរិញ្ញាបត្រគ្រប់ផ្នែក
20-May-2019 | ដោយ ពលមនសិការ
ភ្នំពេញ៖ នៅរសៀលថ្ងៃទី២០ ខែឧសភា ឆ្នាំ២០១៩នេះ ក្រសួងអប់រំ យុវជន និងកីឡា បានចេញសេចក្តីប្រកាសព័ត៌មាន ដែលបានបង្ហោះព័ត៌មានថាមានធ្វើសញ្ញាបត្របាក់ឌុប និងបរិញ្ញាបត្រគ្រប់ផ្នែក។
ការបង្ហោះព័ត៌មានខាងលើក្រសួងអប់រំ យុវជននិងកីឡា បានឱ្យដឹងថាមានចរិតបោកប្រាស់ និងបង្ហូចកេរ្តិ៍ឈ្មោះរបស់ក្រសួងអប់រំ យុវជន និងកីឡា។
ការបង្ហោះព័ត៌មានបែបនេះ ជាអំពើខុសច្បាប់ ដែលបំពានលើសេចក្តីថ្លៃថ្នូរ និងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក៏ដូចជាការអនុវត្តកំណែទម្រង់របស់ក្រសួងអប់រំ យុវជននិងកីឡា ក្នុងការលើកកម្ពស់គុណភាពអប់រំនៅកម្ពុជា ជាពិសេសប៉ះពាល់ដល់ស្មារតីនិងការខិតខំរៀនសូត្ររបស់សិស្សានុសិស្សនិងនិស្សិតកម្ពុជា។
ក្រសួងអប់រំ យុវជន និងកីឡាកំពុងសហការជាមួយអាជ្ញាធរមានសមត្ថកិច្ចកិច្ចក្នុងការស្វែងរកចាប់ជនដែលបានបង្ហោះព័ត៌មានខាងលើ ដើម្បីចាត់វិធានការតាមផ្លូវច្បាប់ និងសូមអំពាវនាវដល់សាធារណជន និងប្រព័ន្ធផ្សព្វផ្សាយគ្រប់ប្រភេទ ចូលរួមទប់ស្កាត់ការចែកចាយព័ត៌មាននេះតាមគ្រប់រូបភាព ព្រមទាំងសហការផ្តល់ព័ត៌មានជូនសមត្ថកិច្ចក្នុងការឈានទៅកំណត់មុខសញ្ញាជនដែលមានបានប្រព្រឹត្តអំពើខាងលើ ៕
ចំនួនអ្នកទស្សនា
- ថ្ងៃនេះ1291
- ម្សិលមិញ6261
- សប្តាហ៍នេះ19671
- ខែនេះ134821
- ឆ្នាំនេះ134821
- សរុប20577277